I Aniversario da Biblioteca Asunción Antelo

 

O venres celebramos o primer aniversario da nosa biblioteca, a Biblioteca Asunción Antelo. Nun acto no que estiveron presentes a mesma Asunción Antelo e representantes do Concello, cantamos todos xuntos a canción "O Cuco", adaptación do poema de Manuel María que leva o mesmo nome.

Despois, Anxo, Xulio, Aldán e Álvaro Rivera tocaron unha canción coa frauta.



Finalmente, Xulio, Anxo e Álvaro Rivera tamén tocaron a guitarra!



Xa vedes que a nosa clase quedou moi ben representada. Noraboa a todos!
Atoparedes máis vídeos e fotografías no blog da biblioteca.
Grazas a Ana Palleiro, por inmortalizar este evento!

De excursión

Hoxe tocou ir de excursión a Meteogalicia donde fomos moi ben recibidos e donde aprendemos moitas cousas sobre a predición do tempo. Ata nos sacaron unha foto e a plublicaron na súa páxina de Twitter!

Despois, desprazamonos ata a Catedral de Santiago na que entramos pola Porta Santa que está aberta malia que o ano 2016 non é ano xubilar (a porta estará aberta ata novembro e non volverá abrirse ata o 2021).

Finalmente, o tempo dou tregua para que poidesemos comer e disfrutar algo de estar fóra, na Praza da Quintana. 

Penso que todos os nenos o pasaron moi ben, pero xa nolo confirmarán!

Día da Familia 2016

O pasado venres celebramos no centro o Día da Familia. Moitas grazas a todos os que participastes, sabemos que non é doado dispoñer dunha mañá enteira un día laborable. Esperamos que o pasarades ben. Oxalá os que non poidestes vir nesta edición o poidades facer para o ano que vén. 

Contacontos con María da Pontragha

Seguimos co mes das Letras Galegas, esta vez con contacontos.
Como rimos o mércores cos contos que nos contou María da Pontragha! A Proba está AQUÍ, no blog Biblioxosepichel, o blog da biblioteca do colexio.

Fósiles na clase de sociais

Hoxe tivemos a sorte de poder observar e manipular os fósiles que nos trouxo Anxo. Pareciunos moi interesante, moitas grazas por compartilos con nós!

Trasplantamos

Parece que ás nosas sementes gústalles a aula porque xa xerminaron case todas e temos bastantes plantiñas.

Hoxe pola tarde plantamos algunhas (leitugas e xirasois), pero aínda nos quedan moitas que coidar na aula. Cun pouco de sorte, poderemos comer pronto unha ensalada con leituga de produción propia!

Practicando con polígonos

Para rematar o tema dos polígonos, fixemos un pequeno exercicio aproveitando as baldosas do corredor. Tratábase de averiguar o nome, o perímetro e a área dos polígonos trazados con cinta no chan. Que concentrados estaban!

Semana da froita

A semana pasada, foi a semana da froita. Durante os recreos, os rapaces podían coller unha peza de froita, cada día unha froita diferente, para a súa merenda. Pero o mellor día foi sen dúbida o mércores xa que nos agardaba unha pequena sorpresa: amorodos con chocolate! Foi o memento máis silencioso na clase de todo o día.

E así foi como quedou todo ao final...

Comenzamos co mes das Letras Galegas

Algo antes de tempo, pero xa comenzamos esta semana coas actividades do mes das Letras Galegas.

Estamos a preparar traballos para participar no Certame Literario Escolar Asunción Antelo organizado polo noso concello. 

Asistimos a unha charla de SEPRONA. 

Invitados polo Concello, desprazámonos á Casa da Cultura para ver o conto de Alicia no país das marabillas, contado con títeres. 

E ata nos dou tempo de preparar unha cousiña para as nosas mamás, que ben o merecen. 

Foi unha semana moi completa!

Non sei que dirían os axentes do SEPRONA se visen este bechiño que nos trouxo Xulio e que observamos con moita curiosidade...

Hoxe é o Día da Nai, así que felicidades a todas as mamás!