stars

domingo, 20 de decembro de 2015

Festival de Nadal 2015

Por fin chegou o día do festival! Xa nos tardaba actuar e cantar no escenario. Esperamos que disfrutárades todos da nosa actuación e das actuacións do resto de compañeiros do colexio.




Despois, apareceron por ahí un dos Reis Magos e un paxe. Tocou entregar cartas e recoller caramelos.



Tamén temos que felicitar a Julia que gañou o premio á mellor postal deste ano para os cursos 3º e 4º. Aquí a temos recollendo o seu premio xunto cos gañadores nas outras categorías. Noraboa!


Para rematar, quédame desexarvos a todos un bo Nadal e unhas felices Festas!

IV Mercadillo solidario

Co obxecto de xuntar alimentos que se repartirán entre as familias máis necesitadas do Concello, organizamos dende o equipo de biblioteca do centro o IV Mercadillo Solidario. Unha vez máis, foi todo un éxito. Grazas pola vosa colaboración!


Caracois!!

Tamén o xoves, decidimos pór en liberdade os caracois que tíñamos na aula. Estábamos algo decepcionados porque pensamos que non criaran pero... Ao vaciar o terrario, atopámonos con moitísimos ovos e tamén con con caracois acabados de nacer!

De todolos xeitos, decidimos liberar os caracois que tíñamos, incluído "Atrevido", o noso caracol favorito que escapou un par de veces do terrario e recuperamos de paseo pola clase.






E como o noso descubrimento provocou moita expectación, creamos grupos para ir polas aulas e explicar o que atopamos e como coidamos dos caracois neste trimestre. Non temos fotos de todos, nin vídeos, pero asegúrovos que houbo máis dun que estaba preparado para dar unha clase maxistral acerca destes animais!








Ao final, atopamos a unha familia de acollida para os ovos durante as vacacións, así que, a ver se hai sorte e cando volvamos temos máis crías!

Títeres na biblioteca

O xoves tivemos o pracer de asistir a unha sesión de contacontos con títeres na biblioteca. Moitas grazas a Nuria, Laura e Noelia, nais de alumnos do centro, por prepararnos este fermoso conto de Nadal.

martes, 15 de decembro de 2015

Visítanos o Apalpador

Hoxe, por medio da Asociación Ambiental Senda Nova e o Concello de Coristanco, recibimos a visita do Apalpador.



Todos estaban expectantes e ata saímos na Televisión de Galicia:
http://www.crtvg.es/informativos/os-nenos-de-carballo-e-coristanco-reciben-o-apalpador

martes, 8 de decembro de 2015

O cuco

Fai uns días líamos que 'case' todas as aves facían niño para poñer os seus ovos. Entón falamos do comportamiento do cuco que pon os seus ovos nos niños doutras aves e que, nada máis nacer, desfaise do resto dos ovos que hai no niño. Moitos non o podían crer, pero atopei probas:


luns, 7 de decembro de 2015

Carreira de Cee

O venres desprazámonos a Cee para participar na carreira que alí se organiza cada ano. Trouxemos algunha medalla pero sobretodo pasámolo moi ben!


Unha visita moi especial

O xoves pasado recibimos unha visita moi especial, xa que Antón, o pai de Anxo, veu a darnos unha charla na biblioteca.

Explicounos en que consiste o seu traballo de veterinario pero tamén contounos da estreita relación que houbo ao longo da historia entre o home e o cabalo. Para rematar, falounos do cabalo de pura raza galega, raza coa que traballa na actualidade. Xa coñecemos as súas principais características e seguro que o recoñeceríamos.

Foi moi interesante, moitas grazas Antón! Os rapaces mostráronse así de atentos e entusiastas:


domingo, 29 de novembro de 2015

Multiplicamos

Estos días, estamos a aprender a multiplicar por dúas cifras, cousa que a algúns no se lle acaba de dar moi ben, entre outras razóns, porque as táboas de multiplicar aínda non están ben memorizadas. 
Para practicar, aquí tendes uns xogos. A ver se vos gustan:

 tablas 1 a 10


 dashboard


 señor pi


E para practicar as cuentas de multiplicar, tamén hai algún xogo, así que a practicar, e a disfrutar! Xa me contaredes que tal.

 Pizzería





Por certo, que vos parece o novo "look" do blog?

sábado, 28 de novembro de 2015

25 de decembro: Día contra a violencia de xénero

O mércores foi o día contra a violencia de xénero que, como ben dicía Anxo: "É cando os homes se volven tolos e matan ás mulleres!". Matizamos algo esa definición, pero pareciunos a todos bastante axeitada.

sábado, 21 de novembro de 2015

Maxia vs Ciencia

O xoves, na biblioteca, asistimos á actuación de O Mago Paco co seu espectáculo Maxia vs Ciencia. Con el repasamos conceptos acerca das cores, da descomposición da luz, da astronomía, da vista e da electricidade. Foi moi interesante, sorprendente e mesmo emocionante.

Estas foron as caras que puxemos cando descubrimos que os nosos corpos son condutores:




E ata nos ensinou algún truquiño para impresionar na casa. Que atentos estiveron todos!



Grazas ao Concello que nos ofreciu esta actividade e grazas a A illa d@s nen@s (www.ailladosnenos.com), a compañía que se engargou deste espectáculo!

sábado, 14 de novembro de 2015

Magosto 2015

Que ben o pasamos no Magosto! Comemos castañas pero tamén disfrutamos de moitos xogos.

Ao final entregáronse os premios do concurso de cabazas e dos relatos de terror. Esta vez non houbo 
premiados na nosa clase, pero fixémolo moi ben e seguro que en próximas ocasións nos superaremos.




Tamén saen fotos nosas en La Voz de Galicia do sábado 14 de novembro, aquí.


sábado, 31 de outubro de 2015

Samaín e a nosa primeira foto de grupo

Por fin temos unha foto de grupo! E é que entre que algúns días faltaban rapaces e outros esquencíamos sacala, estaban os nenos sen retratar todos xuntos. Así que, algo descoñecidos algúns, pero están todos.


Se vos parece que a fotografía saiu pouco lucida, tendes que saber que non serviu nin o tradicional "pataca" nin o "cachelo". Cada un atendía ao seu. En próximas ocasións intentarémolo en inglés ou en francés, a ver se temos máis éxito...

Moitos nenos (e pais) se animaron a decorar cabazas. Que orgullosos posaron todos con elas! Noraboa polo voso traballo! Próximamente informaránnos de quenes foron os gañadores. Espero que lle toque a algún da clase.





venres, 30 de outubro de 2015

Estamos de volta!

Comenzamos algo tarde co blog, pero que mellor forma de facelo que bailando!

O martes fomos á Casa da Cultura cos nosos compañeiros de primeiro e segundo para participar nun obradoiro de danza. E que ben o pasamos! Aquí tendes unhas imaxes para comprobar o ben que algún lle da á muiñeira e á rumba.



martes, 17 de febreiro de 2015

Entroido!!

Queridos espantallos, xa me contaredes á volta de vacacións, que tal o pasastes. Polas vosas caras, eu diría que moi ben!


Estampamos con patacas

Despois de ver como se imprimían os libros antigos, ocorréuseme que poderíamos facer algo parecido na clase, pero, tendo en conta que estamos en Coristanco, con patacas. 
Foi moi gracioso ver a vosas caras cando vos dixen que para plástica habería que traer unha pataca pero agora xa tendes claro para que era. Espero que vos gustara a actividade. A verdade é que da gusto vervos tan concentrados. E os resultados non estiveron nada mal!




Excursión a Santiago

Fai un par de semanas, fomos a Santiago a visitar a praza de abastos e a libraría Couceiro.
Na nosa primeira visita, explicáronnos que productos podíamos atopar alí, e mesmo de onde viñan. Na segunda, ademáis de facer algunha compriña, aprendemos como se facían antigamente os libros, e vimos os materiais que se empregaban.
Despois, desfrutamos dun paseo e do noso xantar na Alameda.
Espero que as visitas vos resultaran interesantes e que o pasarades moi ben.


luns, 16 de febreiro de 2015

Grazas!!

Fai xa algo máis dun mes que o meu alumnado me tiña reservada unha fermosa sorpresa para cando chegase á aula.
Moitas grazas a todos e todas, e tamén aos papás e mamás que directa ou indirectamente participaron nesta festa. Así da gusto cumprir anos, e se mos siguen quitando deste xeito, tamén (fixádevos na tarta)!



Día da Paz no CPI Alcalde Xosé Pichel

O venres 30 de xaneiro celebramos no cole o Día da Paz. 
A actividade central foi o xogo do "amigo invisible". Cada neno lle escribiu unha carta a un compañeiro, elixido ao azar, na que debía dicirlle algo positivo. Como nos gustou descubrir as nosas cartas anónimas no tablón! Non nos decepcionaron as mensaxes dos nosos amigos.



Despois, reunímonos todos para cantar e bailar a nosa canción e para botar ao aire a nosa pomba da Paz.


xoves, 29 de xaneiro de 2015

Día da Paz

Mañán día 30 de xaneiro, é o día da Paz, data na que se conmemora a morte de Gandhi. Na escola, xa levamos uns días a traballar sobre a temática, comenzando polo conto de Wangari e as árbores da paz que narra a vida de Wangari Maathai, gañadora do Prémio Nóbel da Paz no ano 2004.
Se queredes volver a ver o conto, podédelo visionar aquí:

 


Que vos parece a súa vida? Parécevos xusto que se lle concedera un Premio Nóbel?

Se queredes aprender algo máis sobre o Día da Paz, no seguinte enlace, tendes algunha actividade que quizais vos interese:
https://dl.dropboxusercontent.com/u/14722558/paz2/paz.html

luns, 12 de xaneiro de 2015

Festival de Nadal

O 19 de decembro, rematamos o primeiro trimestre celebrando o Festival de Nadal. Como podedes comprobar, dásenos moi ben tocar as campás. Aínda que parece doado, adegurámosvos que non é nada fácil!



Despois de todas as actuacións, entregáronse os premios ás mellores postais de Nadal e aos mellores adornos. A postal da nosa compañeira Valeria gañou un premio, e toda a clase gañou o premio polo noso adorno de Nadal: un pobo navideño realizado con material recilcado. Noraboa a todos!



Magosto 2014

Parece que xa fai moito que pasou pero, lembrades cando celebramos o Magosto? Pois aquí están as fotos que tiña pendentes de amosarvos:


Contacontos en inglés